مرتضی باب بوت بسوزه عاشقی

تیک و تاک ساعتوم
آخ چقد کم طاقتوم
طاقت دیری تنه اصلا نداروم
کور و پیروم که غمت
بد اسیروم که غمت
نگو ا حالوم که تعریفی نداروم
آخ و روز عاشقی
بوت بسوزه عاشقی
عاشقی غیرا غم و درد و عذابه
نا خشم حالم بده
ایقدر زجروم نده
خم دلوم مهلی پره حالم خرابه
*
حالم خرابه نیترم طاقت بیارم ایقدر درد جدایینه عزیزم
ایقد گپ سرد و سراکو خردمه تا کی نگم تا کی م خم باید بریزم
*
دامت و هر کی تیت عزیزه زی بیو ورگرد و تیم ورگرد و وی ای حال درانم
بیو بکش عیبی نداره بهتره تا که کنی بی درد دیریت امتحانم
*
بی دلوم بازی نکو
ایقه لجبازی نکن
لجه دنیا بی دلم ناسازگاره
ایقه دلتنگه دلوم
بی خش ایجنگه دلوم
درد دل بی کی کنم طاقت بیاره
بسکه هق هق کردمه
نومی و دق کردمه
هر پسین جمعه ا جونم و سیروم
بی تو زندی سیچنه
باشه تقصیر منه
خم و دس خم عاجزوم خدا بمیروم
*
حالم خرابه نیترم طاقت بیارم ایقدر درد جدایینه عزیزم
ایقد گپ سرد و سراکو خردمه تا کی نگم تا کی م خم باید بریزم
*
دامت و هر کی تیت عزیزه زی بیو ورگرد و تیم ورگرد و وی ای حال درانم
بیو بکش عیبی نداره بهتره تا که کنی بی درد دیریت امتحانم